GeekyArtistArabWoman - Lubzi

The juice of my heart

I call myself Lubzi. I am from Palestine. I live there too
I am a blend of cultures, a salad of sounds, colors & words. I like to create. I love learning. I aspire to inspire. I seek freedom, harmony, peace and justice. I like to be a bridge between hearts and minds, between people from different cultures and backgrounds.
Here you'll find my theatre sound designs, audio art pieces, some of my writings and sketches & all kinds of crazy mixes and audio experiments that I do.

Sunday, January 19, 2014

اللقاء العظيم

بعد ١٤ سنة رح أشوف حبيبتي
بعد شوق وحرمان ولوعة
زهرة المدائن 
حبيبتي
القدس العظيمة

Jan first 2014
اليوم الأربعاء 
بكرا الخميس
بعد بكرا
الجمعة
الساعة ٩ المسا
رح نروح
وندخل
ونفوت
وارمي حالي في حضن حبيبتي
I can feel the relief
The peace
The love
كلها بكرة بس وبعده

بس انا سمعت انهم غيروها
بنوا اشيائهم الغريبة
وحاولوا يغيروكي
وييهدوكي
ويمسحوا هويتك
بس انا بعرف
ولا يمكن تنسيني
انا منك
حبيبتك
برعم في شجرتك
أكيد انتي لسة انتي
ما قدروا يغيروا هواكي
وكيف بحس وكأني اول مرة في حياتي بتنفس
اول ما ادخل القدس
وكأني اول مرة بحياتي 
بحس بالهوا على خدودي
وكأن جسمي خفيف
وروحي طايرة
حبيبتي
هيني جاية


ما حد بيعرف اننا رح نتلاقى
ما حد غير صديقي اليهودي اللي رح يهربني
عوفرالانسان

خلي لقائنا سر
بيننا
تأوصل بالسلامة عندك
بدي تِنِعمي أبصارهم عنا
جيش الظلم والاحتلال
عشان تعرف نتلاقى 
بالسر
انا وانتي
يا حبيبتي

من اليوم ليوم الجمعة 
رح اتعبد
 في محراب الأمل بلقائك 
يا حبيبتي
يا قدس 
يارائعة
يا عروس فلسطين
يا تاج رأسنا 
Jan 2







Friday, January 17, 2014

اللي ما بدّو اياك

اللي ما بدّو
اياك
ما بدّك إياه
واللي كان مرة
بدّو اياك
وبطّل
أدعى انك تكون
ما بدّك إياه
 
اللي بدّو اياك
بس
هو اللي بيستاهل
تكون بدّك إياه

Friday, January 3, 2014

فلسطين الجديدة



خليني احكيلكوا عن فلسطين الجديدة
اللي في خيالي
حضارة وعلم
نظام وحرية
كرامة وعدالة
أمان وسلام
حب
ترابط
ثقافة
فن
انسجام

خضرا ومتواصلة
من البحر للنهر
متواصلة
ما في أسوار
ما في جدران
الجدران في المتحف
للذكرى
عشان ما ننسى

مساواة 
diversity
Unity
ما في فساد
ما في قهر
ما في حواجز
ما في تصاريح
ما في اسرائيل

في شجر زيتون
ولوز ورمان
وفي زعتر
في كل مكان
الكل مكتفي
الكل شبعان
ما حد جوعان
من النهر للبحر
اخوة وأخوات
ولاد بلد
أصدقاء
جيران
أهل

والمنفيين يرجعوا
وكل العالم تزورنا
وتتعلم منا
معنى السلام
والعدالة
والديمقراطية
والتسامح والحب

ونفطر في القدس
ونتغدى في يافا
ونتعشى في الجولان

وما في متطرفين
وما في جيش احتلال
وما في سلطة
ما في حماس
ما في مستوطنين
مستعمرين
متدينين
متطرفين
الحق بيحكم
والعدل عم
ما في ذل
ما في تعذيب
ما في سجون
ما في عنف
في حياة هنية
عدالة اجتماعية
كرامة
وحرية
واحترام
للنفس البشرية
بدون تفضيل
بدون تمييز
الحق بيحكم

في الصيف
بنروح نسبح في غزة
وبنخيم في النقب
وفي الشتا في اريحا
ونعيّد في القدس
ونحتفل في الناصرة

أولادنا بيلعبوا مع بعض
وكلنا شعب واحد
بنحب وبنتزوج من بعض
ما في أديان تفرقنا
وكل واحد محافظ على فرديته
وهويته الثقافية
وحر يمارس طقوسه
بس ما حد بيتعدا على حد
او بيقاطعه
بنقدّر ونعانق
اختلافاتنا
ما فينا متطرف
او متحجبة مقهورة
او متسلط
ظالم
او مستغل حرامي

فلسطين الجديدة
انسجام حلو
تام
رمز السلام
والوئام 

Jan 3


Thursday, January 2, 2014

الحب ما بيوَجِّع

الحب ما بيوجع
الشوق بيوجع
الوحدة ما بتوجع
الخوف بيوجع
الندم بيوجع
الغيرة بتوجع
الغيرة خوف

الظلم بيوجع
القهر بيوجع
الجوع بيوجع
الغضب بيوجع
الحزن بيوجع

بس الحب ما بيوجع
الحب أحلى احساس
العقل بيوجع
بس الحب 
ما بيوجع

قلة الحب هي اللي بتوجّع
انعدام الحب
اختفاء الحب
الحب هو عدم الوجع
وشفاء الوجع
الحب هو الفرحة 
هو الحياة
هو الأساس
لكل الحياة

الحب ما بيوَجِّع
الحب بيفرِّح
بيحيي
بيكمِّل
بيملأ
كل شي
كل الدنيا
والزمان والمكان
بيملأ القلب
بيملأ الروح
بيملأ الوجود
الحب خالد
ما اله نهاية او بداية
ما اله حدود
الحب غير محدود
الحب سر الوجود
الحب سر الخلود