حبر ..٬ ..ع ورق

لا تحكيلي عن الحب..٬
ما بدي اسمع!٬
انتحرت الذكريات.
٬خلص الحكي..٬
خمدت نار الولع..
وراحت ايام الدلع..
جمر الهوي انطفا..
زيت الغرام خِلص خلَص
والقلب الي نزف..
نزف..
تَ نشف..
ما عاد هالقلب رجف..
خلص - مات الشغف..
خلصوا الليلة والألف!
وسكتت شهرزاد..
وغرق السندباد..


راح الزعل هوْ والأمل..
لا في شجن
 ولا في ندم..
رضينا حكم الزمن..
ما عاد في خوف..
ما عاد في دراما
 و لا عاد في نكد..
ما عاد في قلق..
وراحت ايام الغيرة
والارق
ما بدي اسمع حكي..
عن الحب والغرام..
وحكي الأفلام!
ما عدت انت الوحي..
مجرد خيال ومرق..
وقت مستقطع..
من عمري انسرق..
مجرد كلام
 انحكى
واختفى
كرت انحرق
مجرد حبر ..٬
..ع ورق