Sunday, February 14, 2010
Friday, February 5, 2010
من ايش خايفة؟
من ايش خايفة؟ من الظلم من القهر، من العجز من الكبر،من الوحدة من الألم من الندم من الذل من الفقر من العنف من الضرب من الحرب من البهدلة والقمع lubzi Jan 24, 12:28 PM خائفة انو الزمن متل الرمل يمرق هدر،خايفة من الكسل والملل والوخم والبطالة والفشل من الشلل خايفة من القلة والوجع وسعر الدولار ينخفض او يرتفع lubzi Jan 24, 12:34 PM خايفة من الزمن. وغدر الزمن. خايفة علي الارض، علي العرض.خايفة علي الوطن.خايفة علي الطفولة والبرا؟ة خائفة من القسوة من النيسان من غدر الانسان lubzi Jan 24, 12:40 PM خايفة من التغيير والتطبيع من النظام العالمي الجديد خايفة علي الحرية والعداله خايفة علي الحقيقة من الكذب وعلي الشعر وعلي الفن والتراث والأدب lubzi Jan 24, 12:42 PM خايفة عالقوافي تختفي و بيوت الشعر تصبح خيم. خايفة كلنا نسكن خيم
lubzi Jan 24, 12:47 PM خايفة من ال racism
وال
sexism
وال
capitalism
خايفة من أسلحة الدمار الشامل واسرا؟يل وال
Zionism
خايفة علي العرب.
خايفة من العرب.
خايفة من الجهل
lubzi Jan 24, 12:50 PM خائفة من الموت من المرض من المعاناة من الإهمال خايفة انتسي متل كأني ما كنت. متل الهوا متل العبث ما اترك ولا اثر...
lubzi Jan 24, 12:54 PM خايفة عالاهل. خايفة عالصخرة والحرم. خايفة عالقدس ورام الله وبيت لحم. خايفة عالطفولة بفلسطين تنتحر ... او تنفجر ... والله خائفة يا بشر ... lubzi Jan 24, 01:00 PM خايفة من ال
pollution
وال
genetic manipulation
وامراض الطيور
والخنازير وجنون البقر. خايفة يتحول الشخص لسلعة تنباع وتنشري خايفة علي حقوق المرة
lubzi Jan 24, 01:05 PMخايفة عيني تشوف ونفسي ما تطول. خايفة الظلم يطول. خايفة من ال
dogma
واهل التدين واللحي.
الألف المقصورة والذال اختفوا. خايفة من شركة ابل.
lubzi Jan 24, 01:09 PM خايفة الcorporation
تسيطر عالكوكب والبشر. خايفة الناس تنسي الله. خايفة الله ينسي البشر. خايفة من الحقيقة ومن الوهم.خايفة من جوع الروح والجسم
lubzi Jan 24, 01:14 PM خائفة من الدخان والسرطان.خايفة من البرد خايفة من بكرا خايفة من الماضي يلحقني متل السبع.خايفة من المصاري والفواتير والدفع. خايفة يتأزم الوضع lubzi Jan 24, 01:28 PM خايفة همي يكبر قد الجبل ، ما اعود اقدر احتمل. خايفة اتعب من الأمل. lubzi Jan 24, 01:29 PM خائفة الخوف يسيطر علي متل الاسد. ما أعود أثق بحد 
khaledhakim Jan 24, 01:34 PM ليه النكد؟ RT @lubzi: خائفة الخوف يسيطر علي متل الاسد. ما أعود أثق بحد
lubzi Jan 24, 01:39 PM @khaledhakim ليش لا؟ أعطيني سبب Friday, January 1, 2010
شو حكينا
شو حكينا
محنا خلّصنا الشعر
كل القوافي والنثر
شعر الغزل
شعر الدجل
كل العتابا والزجل
قلنا كيف ان البدر
لمّا شافك انتحر
محنا خلّصنا الورق
حتى خلّصنا الحبر
ما في دمع ينبكي
وما في حكي ينحكي
حتى خيالي نضب
ياما حكينا عن الجفا
وقلبك اللي من حجر
وعن الغيرة
وعن الهجر
والصبر
حتى عن قلة الصبر
وعن المزاج اللي انفقس
وعن المزاج اللي انفقس
والفؤاد اللي انهرس
ولوعة قلبي اللي انكسر
لما من صدري انشلع
شو انوجع ... آه شو انفطر
شو انفطر ... آه شو انوجع
آه وحكينا برضه عن الدلع
وحلم راح وما رجع
وحكينا برضه عن السهر
والأرق ... والضجر
والزهق
والقهر
آه وعن الليل اللي طال
آه وعن الحلم المحال
والوجع
والقلب اللي انملع
شو انجرح ... آه
شو انمزع
ما عاد يقدر يلتئم
وحكينا برضه عن الندم
والأمل ... والعشم
والله يا عمّي خلص الحكي
وحتى الكلام اللي بقي
بطّل بدّو ينحكي
Subscribe to:
Posts (Atom)