واضح انك
بتعتبري
عادي انك
تجرحيني
وعادي جداً
تتركيني
بدون اعتذار
أو اي أسف
على اللي صار
لا تسألي
ولا تحسي فيّه
كأني
مش موجودة
كأني
انسانة خفية
كأني معلش
حلال
جرحي
وحلال
تهينيني
وكأنه
مافي مشكلة
تتجني علي
وتظلميني
سو هادا
ما يستأهل
انا اتراضى؟
يالللا وشو عليه
لا انتي اول
من جرحني
وغيرك
قبلك
كتير
ذبحني
عشان يعني
أعطيتك أهمية؟
وحطيتك على راسي
وفي عينية
كبر راسك
واتشطرتي عليَّ؟
أعطيتك اهتمام
وهذا كان
اكبر غلط
مهوّ الاحترام
مع اللي ما بيحترم
ما عمرو زبط
تعاليتي
وتكبرتي
لا تلوميني
انتي اللي اخترتي
تجرحيني
بدون إحساس
ولا اي ندم
كأني ولا شي
اقل من العدم
شكرًا الك
على الدرس
مش ببلاش
هاي الدروس
مش ببلاش
ولا بفلوس
هاي الدروس
حقها الم
حقها الندم
شكرًا يختي
انك صححتي
اوهامي
وصحتيني
من أحلامي
أحلام هبلة
مالها أساس
في الواقع
عن صداقة
أزلية
وأرواح بتتلاقى
بحرّية
أحلامي الوردية
السخيفة
العبيطة
الطفولية
No comments:
Post a Comment