صلوا. ما حد مانعكم...
بس من حقي انام.
حد يقولّه ان مكبر الصوت بيكير
كتير
حد يقوله يوطيه
او يطفيه
بكل عزم امه وأبوه
وكل العشيرة
طب ماله المنبه
انا شو ذنبي
حد يخترع جهاز كاتم الصوت
كانه قاعد حدي ..
كانه قاعد على راسي
في جواة راسي
في نص اذني
ما بيصير انا انام
عشان انت رايك
الصلاه خير من النوم؟
ديمقراطية
مش سامعة تفكيري
بيسكت شوي
ببلش اتنفس الصعداء
بيرُد يبلش من جديد
هو وغيره
تنافس بيصير
عالي عالي عالي الصوت
رح انطرش حاسة
انا شو ذنبي؟
انولدت عندكم
بعترض على الملأ
بتحسس رقبتي
ديمقراطية عربية
نكتة عصرية
شهيق عميق
زفير كبير
اه يا حرية
سكت
رد رجع
مين اللي اخترع الكهربا
بدعي عليه
شهيق عميق
زفير كبير
اشتقتلك يا هدوء
وين أيامك يا سكون
يا حرية
يا طفلة وحشية
طرشا
شهيق
زفير
شهيق
زفير
No comments:
Post a Comment