Friday, August 10, 2012
Monday, July 2, 2012
Good news!
West Bank Stories, A Childhood in Bethlehem, Palestine is now available in PDF format - you can buy it here!
Sunday, July 1, 2012
فوائد الفشل
فوائد الفشل:
بيرد العين
وبيحمي من الغرور
بيقضي علي توقعات الاخرين
العالية
بيكشف الأصحاب الفالصو
وكل اللي بيتملقوا
والمتسلقين الكذابين.
الفشل
بيعطي الواحد تحدي محرز
بعد القاع
ما في غير اعلى
لكن بعد القمة
ما في غير اوطى
الفشل زي حريق الغابة
بينظف
زي مطر الشتا
بيغسل
بيشيل الوسخ
وبيعلم درس
بخلي الواحد يكتشف
اهم اشي
ان االلي بيحب حد بعَبَله
وكسله وهَبَله
وفَشَله
هاد هو الحب الحقيقي.
جربها
نصيحة
بين فترة وفترة
اخسر
افشل
شوف مين بيضل
غربل
غربل
افشل
فلس
امرض
إوقَع
بهدل حالك
منيح منيح اتبهدل
شوف مين بيبقى
جد جرب
شوية فشل
مش غلط
بيخلي الواحد يعرف جوهره
ويلمس طاقته الكامنة
الفشل تجربة
نيشان
خبرة
بس بدك اللي يفهم
بس الفهمان
هو اللي بيدرك
وبيحترم
هدية الفشل
وبيستقبلها
بكل حب
وشكر
وامتتنان كمان
بشفق عليهم
الحلوين
والأغنياء
والكتير الناجحين
ما بيعرفوا مين
من اللي حَولهم
جد بيحبهم
مش بيحب الجمال
والا طامع
في النفوذ او المال
ولما يذوب الحلا
ويزول العز
المعزّة كمان بتروح معها
Friday, June 1, 2012
الواقع ام الخيال؟
ليش الواحد احسنلو يعيش على ذكرى حب فاشل من انه يعيش حب حقيقي على ارض الواقع؟
لأن ذكرى الحب الوهمي ما بتنتهى..
لان الخيال لا نهائي وبلا حدود..
بس الواقع محدود..
الحقيقة بتتغير.. والواقع بيتغير...
والناس بتتغير.. والحب بيتغير...
الواحد اثبت له يعشق صورة في خياله..
او فكرة في باله...
صوت سمعه في زمان ماضي..
إحساس قديم لما كان جديد
مش حب شخص معين بالتحديد
احسن من حب مش مضمون
مع الغامض المجهول
في الواقع ال مش مأمون.